'O LUKAS 2

'O haewani yopi-piara de 'o mala’ekati

8 Ma obiri ge’ena 'o haewani yopi-piara manga domba yojagano 'o liunoka, 'o Betlehem ma dateoka. 9 De ma Jou 'awi mala’ekati moi yakidoboa de ma Jo’oungu ma Dutu 'awi kuasa ma ginitara yakidisiwaruku 'onaka, so yakimodongo ma sala. 10 Ma 'o mala’ekati ge’ena 'ingose 'ato, << 'Uwa nimodongo! Ngoi toboa 'o habari ma owa tinisitotara, de ma habari ge’ena 'o nyawa 'iodumu 'asa posironga yomorenoka.