39 Woti-tingkai wimoi gee wisidelika 'o Yesus wi dateoka, wositi-tingoono 'o Yesusika kawongosekau, <<Ngona ne’ena 'o Koana 'o Nyawa Wosilaha-laha gu’una, bolo? Bika ngona ma sirete nomasilaha ma de minisilaha ngomi mita!>>
40 Ma woti-tingkai wimoioli witawanono 'unaka, wongose 'ato, <<Ngona konimodonguawa ma Jo’oungu ma Dutuka? Ngona mita nihukumu niso-songene 'isoka 'unali, 41 duga to ngone 'inamididi nanga hukumani 'imakadaene de nanga di-diai. Ma 'una 'awi so-sowono ka ma eta ma koi’iwa!>> 42 Ge’ena 'iduanga de wongoseli, <<Ee Yesus, noisi-singina dua gee noboali ma ngale nokoana de nopareta!>>
43 De 'o Yesus kawongosekau 'unaka, <<Ma goungu, ne’ena ma wange dua ngona de de ngoi 'o ngii yaowa-owaka ge’ena la 'o sorogaaka.>>
'O Yesus wosongene
(Mat. 27:45-56; Mrk. 15:33-41; Yoh. 19:28-30)