Mateus 17

'O Yesus wisitedene

1 'O wange butanga 'ipasa de 'o Yesus waki’asa 'o Petrus, 'o Yakobus, de ma dodoto 'o Yohanes, ka 'ona yosau 'o gigie moi 'ikuru-kurutieka. 2 Manga bionoka, de 'o Yesus 'awi lugo 'ingali. 'Awi biono 'ikinitara 'isoka 'o wange ma ako, de wi baju 'i’arese daungie 'iletongo. 3 Ge’enaka de 'o do-domoteke yaruange go’ona yakimake 'o Musa de 'o Elia yomabi-bicara de 'o Yesus. 4 De 'o Petrus wongose, <<Jou, 'ena ma sureka ngone ne’enaka. Nako noduaka, de 'asa todiai 'o da-darusu ngai sa’ange. Moi to ngona, Jou, moi to Musa, de moi to Elia.>>

5 'O Petrus kawobicarasi de 'o sauramo yakisao de ma sauramono doka 'o 'ilingi 'isupu 'ingose, <<Nu’una to ngoi 'ai Ngowaka towisiboso-bosono. 'Una 'ai singina wasanangi. Niosigisene 'unaka.>>