'Inasingano-nganono la pomasitiari 'o 'agamaka yodoto-dotoika de 'o Farisioka
1 Ge’enaka de 'o Yesus wongose 'o nyawa yoku-kudaika de wi do-domoteika, 2 << 'O 'agamaka yodoto-dotoko de 'o Farisioka 'ona yakisiga-gao ma ngale yosiwaiti 'o Musa wi besesongo. 3 So 'okia naga yosuloko ge’ena niamoteke, ma 'uwa niamoteke 'isoka kokia naga 'ona yokadi-diai, sababu 'ona koyamotekuwa 'isoka gee yosidoto-dotoko. 4 'Ona yogegoto 'okia sonaa 'isusa-susa, de yakikula 'o sagala 'atorangi 'itu-tubuso, ma 'ona ka ma eta ma koyakiriwowa gee 'o nyawa yadiai koge’ena. 5 'Iodumu yokakadiai ge’ena duga kayomau la 'o nyawa yamake. 'Ona yoduaka yomasinoa 'o Buku 'Itebi-tebini ma bo-bula ma ngii ma bu-busuku 'ila-laagomo, de 'o baju ma renda-renda yaku-kurutuku. 6 Yoduaka 'o ngii de 'o go-gogere 'isure-sureka nako 'o rameka bolo 'o lo-lomu ma woaka. 7 'Ona yoduaka 'o nyawa yakisiie-ie 'o pasarioka de yakisi’asoko, <Rabi>.23:7: 'O Rabi ge’ena 'o Yahudioka manga guru yakiho-horomati yakisi’asoko.