23 Sababu ge’ena nako nia su-suba niokula ma Jo’oungu ma Dutuka la nimamaoku 'ato naga 'o nyawa manga singina niasiriku, 24 ge’ena salingou nianoakosi nia su-suba ge’ena 'o su-suba 'idu-dutuuku ma dateoka, la niotagi niomasilo-loakasi gee manga singina niasiri-sirika. Ge’enaka 'asa de niolio niosisuba 'ania su-suba ge’ena ma Jo’oungu ma Dutuka.
37 Kaniongose duga, <Ia>, bolo <Ko’uwa>. Nako 'ipaili de ge’ena, ge’ena ka 'o Tokata ma Koanino.>>
'O dorou 'uwa posibalasi de 'o dorou
(Luk. 6:29-30)
44 Ma ne’ena ngoi tinisidemo: Niakidora nia saturuu, de niakisilahidoa godagee niba-badingaka,