'O sadakaa pokula
1 <<Niosi-singina! Nako 'o 'agama ma mau-mau niadiai 'uwa niosidumutika. Sababu nako niosidumutika, nia Dea daku 'o sorogaaka kowiniparasengiwa.
2 Ge’enau so nako yosusa-susa niakiriwo, 'uwa niosidumutika 'isoka gee yoma’uca-'uca. 'Ona yoduaka 'o lo-lomu ma woa-woaka de 'o tapakioka la bari 'o nyawa yakisiarene. Niosi-singina! 'Ona ge’ena yamakekau manga parasengi, ge’ena la 'o nyawa yakisiarene. 3 Ma nako nia sadakaa niokula, ge’ena kanimasiriidino la 'o nyawa 'uwa yanako. 4 Madaka la nia sadakaa niokula ge’ena duga ka ma Jo’oungu ma Dutu wanako. 'Una 'asa winiparasengi gee winimake kanimasiriidino.>>
'O do-dotoko ma ngale pomalahidoa
(Luk. 11:2-4)
5 <<Nako niomalahidoa, ge’ena 'uwa 'isoka gee 'o nyawa yoma’uca-'uca la salingou ka 'o lo-lomu ma woaka yaika, bolo 'o ngekomo ma ridabioka la 'o kawasa yakimake. Niongano-nganono! Ge’enau to 'ona manga parasengi yamakekau ge’ena la 'o nyawa yakisiarene.
6 Duga nako la nimalahidoa, ge’ena nimasidebenoka nia kamarioka la nia Dea gee 'o nyawa kowimake-makewa wamake koge’ena de winiparasengi.
'O puasa ma gou-goungu
16 <<Nako niopuasa, ge’ena 'uwa nia biono kailamahaninou 'isoka 'o nyawa gee yoma’uca-'uca la manga biono ma yangalioka, yakarana 'o nyawa yakinako 'ato 'ona yopuasaka la yakisiarene. Niongano-nganono! Ge’enau to 'ona manga parasengi yamakekau. 17 Ma nako ngini niopuasaka, ge’ena nimama-marauka de nimausika. 18 La 'o nyawa 'uwa yanako 'ato niopuasaka, duga ka nia Dea gee 'o nyawa kowimake-makewa 'una 'asa winiparasengi gee wamake kaniosigi’iunino.>>
'O harataa 'o sorogaaka
(Luk. 12:33-34)