Agalatiya 4:21-26

TCCL Abra a Palavra de Deus em Chichewa Contemporâneo

Hagara ndi Sara

21 Tandiwuzani, inu, abale amene mukufuna kukhala pansi pa lamulo, kodi simukudziwa chimene lamulo limanena? 22 Pakuti zinalembedwa kuti Abrahamu anali ndi ana aamuna awiri, wina mayi wake anali kapolo ndipo wina mayi wake anali mfulu. 23 Mwana wake wobadwa mwa kapolo anabadwa mwathupi; koma mwana wake wobadwa mwa mfulu anabadwa monga mwa lonjezo.

24 Zinthu izi zinali ngati fanizo, pakuti amayi awiriwa akuyimira mapangano awiri. Pangano limodzi ndi lochokera mʼPhiri la Sinai, ndiye Hagara, ndipo amabereka ana amene ndi akapolo. 25 Tsono Hagara, akuyimira Phiri la Sinai ku Arabiya amene afanizidwa ndi mzinda wa Yerusalemu wa lero, chifukwa ali mu ukapolo pamodzi ndi ana ake. 26 Koma Yerusalemu wakumwamba ndiye mfulu, ndipo ndiye mayi wathu.

Em outras traduções

NTNYBL2025 Nyanja

21 Nikambileni, anyiimwe mkonda kulamulidwa ni thauko, bwanji mwavela umo likambila thauko? 22 Yalembedwa mmalembo ya Mnungu kuti Abilahimu wadali ni wana awili, mmojhi wadabala ni wamkazi uyo wadali kapolo ni mwina wadabala kwa mkazake mfulu. 23 Yujha wadabala ni kapolo wadabadwa ngati umo abadwila wina, nambho yujha wadabala ni mkazake mfulu wadabadwa kuchokana ni mujha wadakambila Mnungu. 24 Vindhu vimenevo vidali chifani, anyamaye awili ameneo ni chifani cha mapangano yawili, loyambila nilijha lidachitika kuphili ilo litanidwa sinai, ilo Ajhili ni wanawake wadabalila ku ukapolo. 25 Ajhili wali ngati phili la sinai ilo lili kwa Waalabu, ni chifani cha Mujhi wa Yelusalemu cha chipano, uwo uli kuukapolo pamojhi ni wana wake. 26 Nambho Yelusalemu ya kumwamba ni mujhi uwo siuli kuukapolo, nawo ni chifani cha maye wathu.

Direitos das traduções citadas

Estes versículos te tocaram? Ore agora!

+581 estão orando agora.

Junte-se à corrente de oração.

Gálatas

Ver todos os capítulos de Gálatas