15 Ngye-yulu wu áakabili ya me ákwara elyimi ki baakatagha, libaŋana lili mu oore, mu otagha bvulu, bidzughubu bi lo ya bibagha bi lo. 16 Manto ma bvulu mansa mana máli bula bumõ: bula bu lo ya bunene bu lo bíli nsihi. Ngye-yulu átagha bvulu mu libaŋana, lo líli mapfwunu kwumu ya muolo (12 000) ma basitade21.16 basitade mu olyele ti bakilometere mafwunu muolo ya nkama yuolo: bula, bunene, mutele bi bvulu bíli nsihi. 17 Ngye-yulu átagha si ebagha e bvulu, ya ábagha bakude21.17 bakude mu olyele ti bakilometere leku-nsaama ya buolo nkama ya makwumu-mana ya bana (144), nde ásalala elyimi ki ookasalala baara mu otagha.
Publicidade