44 «Ku syehe, bataara ba bihi báli a ebvulu kii bumpughulu baa ogwihini, bwunu a bu ótumu munde wu áabili kundaa Moyidze, ti agyighili ebvulu mu efaana ki ásuo kundaa nde. 45 Bataara ba bihi bu bakihi kye, básohobo kye mu litumu li Dzodzuwe mu nsie yi ógwi bo Nzaami, ŋa mbihi a ŋa ábyi nde bikaana bibye ŋa mihi mi bo, tee mu matala ma Dabvide. 46 Nde ábagha bwehe ŋa busu bu Nzaami ya áluomo muswa wu obagha nzo yi a nzaami a Dzakobe. 47 Lo me Salomõ áatwu nzo a nzaami. 48 Lo Wu Ensoõ-yulu ka aakakala mu manzo ma ótwu myaã mi baara o.» Obo me bu ólyele mubighili ti:

49 «Yulu lili likubu li me,

ya nsie yili nkara a myili mi me.

Nki nzo be liitwu me, bu olyele Mfumu,

ya ŋa nki ebini me akala aangwumu?

50 Bunu, ka oli myaã mi me míigyighili bilogho byehene bibye o?»