27 Mu engaŋma, me ndyele be, ndaama a baara mu ba bali ŋa ka bakpa o, nsomo-a-nsomo bamono Emfumu e Nzaami.»

28 Bitsughu mpuomo bu biluru ŋa mbihi a ŋa ályele nde mandagha mamo, Yiisu ágwolo Piere, Dzã ya Dzake, ya ákumu ku yulu a munguo mu oyisamana. 29 Mu matala maala nde mu okasamana, busu bu nde bu sobo efa ya biko bi nde bígyighili opeŋeme kuu oluru. 30 Mu matala maana mamo, babaghala buolo, Moyidze ya Eli, bákabili ya Yiisu. 31 Bo báyapala kunsa nsia ya bámoŋo ya Yiisu mu mi mitala bunu-a-bo nde ali afaana omana esala e nde mu oyikpa ku Yerusaleme.