Mateus 20

Nkumu yi basala baba tala lili masini

1 «Emfumu ki mayulu eli ti anga mfumu a nzo wu pala mu epala-epala, mu kuulu agwolo basala ba baayisala mu nseghe a nde yi a bviini. 2 Nde ágwihini ya basala babo mu ofiri bo denali mumõ mu etsughu, ya nde ágweghe bo ku nseghe a nde yi a bviini. 3 Mu tala lili wa, nde bu afiripala mu nzo, ámono baara bakimi ba bátemene ŋa ebini emõ gwene a ki baasa. 4 Nde ályele kundaa bo ti: "Behe si ligye ku nseghe a me yi a bviini, ya me sa ngwa be mufuru wu a kughu." 5 Bo bágyene. Ya nde bu áfiripala mu tala lili embehe*20.5Embehe tala lili kwumu ya mwolo (12), li baakata si ntaŋa a minsene., ya mu lili kwumu ya mataana (15), nde ási bwunu obo. 6 Ku bele a tala lili kwumu ya nsaama (17), nde bu afiripala, ámono babake bátemene oŋo ya nde ályele kundaa bo ti: "Mu emakye be liitemene ŋa bwihi butsyini, ku ogwene a elogho osa?" 7 Bo bábvuhulu kundaa nde ti: "Mu kuulu ka oli a mbwuru wu aagwolo bihi mu osala o." Nde ályele kundaa bo ti: "Behe si ligye ku nseghe a me yi a bviini." 8 Nkonkolo bu yito, nga-a-nseghe a bviini ályele kundaa wu aakatumu basala ba nde ti: "Ta basala mbili, ya gwa bo mufuru a bo, obaana mu ba aangwolo me nseele ya mana mu baba nsomo." 9 Baba tala lili kwumu ya nsaama (17) bágyi, ya mbwuru-mbwuru ábagha denali mumõ-mumõ. 10 Ŋa masini, ba bansomo bágyi, ya bo bákatsimi ti bo sa babagha mufuru wu bvulu, lo boho si bábagha denali mumõ-mumõ mu mbwuru. 11 Bu bagyagha mufuru, bo bábwi oŋuŋunu mu nga-a-nzo. 12 Bo bályele ti: "Baba nsiele ba baasala yini a tala limõ, lo we ofuru bo mutala mumõ ya bihi ba liimono mpara mu osala bwihi bu mpwuŋu*20.12 bwihi bu mpwuŋumbaala ti etsughu ki etsyini. kunsa kyaŋana kii mpini!" 13 Nga-a-nseghe ábvuhulu kundaa mumõ mu bo ti: "Ndughu a me, me ka ndi a epfwumu kundaa we o, bihi a we ka liigwihini mu denali mumõ o? 14 Gwolo mufuru a we ya mara ŋa. Me ndzyi ogwa kundaa wu aagyi nsiele wu ti bu aangwi me we. 15 Me ka ndi a muswa wu ogyighili mi ndzyi mu nzi a me o? Bunu, we mukolo mubi mu kuulu me ndi mbwuru wu mubwe?" 16 Mu obo, baba nsiele sa bakala baba nsomo, ya baba nsomo sa bakala baba nsiele.»