15 «Lisa mayele mu mibighili mimi mpya! Mye mili mu okagya kundaa be mu efaana ki bindoomo, lo kunsa kara mye mili bango baba nsihi. 16 Be sa ligyahaba mye mu bigyighili bi bo. Mu munsene-a-nsene ka bakughu oka bimburu bi bviini o, bwunu we mu mungaama ka bakughu oka mburu a finge7.16 Finge mburu a muti yifaana a kunu ti anga manga, kunu ti anga mayighi. o. 17 Muti wu mubwe aakaburu bimburu bi bibwe, ya muti wu mubi, aakaburu bimburu bi bibi. 18 Muti wu mubwe ka kughu oburu bimburu bi bibi o, ya muti wu mubi ka kughu oburu bimburu bi bibwe o. 19 Nswe muti wu aagwene oburu bimburu bi bibwe, nde wu okpaa ya wu otsili ku mbaa. 20 Me mu obo, be sa lisoolo mibighili mu bimburu bi bo.»
Binduono bibi ngaŋma
(Luk 13.25-27)
21 «Ka oli nswe munde wu aakalyele kundaa me ti: "Mfumu, Mfumu!" Aasomo mu Emfumu ki Mayulu o, lo munde wu aakagyighili waa li Taara a me wu li mu mayulu. 22 Mu etsughu ekye, baara balagha akala baalyele kundaa me ti: "Mfumu, Mfumu, bihi ka líkabighili mu nkwumu a we o? Bihi ka líkabyi mifulu mi mibi mu nkwumu a we o? Bihi, ka líkasa bimamaã mu nkwumu a we o?" 23 Oŋo me sa ndyele kundaa bo ti: "Me ka nsoolo be si mu tala limõ o! Limara ŋa bele a me, be ba liikasa bubi!7.23 Bik 6.9"»
Nkumu yi manzo mwolo
(Luk 6.47-49)