25 Pï manön ngat acëlacël myero öwëk köp më twodo ëka ötwak köp atïr both awodhe, pïën onu kïbëc ebedo jö më dul kom acël. 26 "Ka akëmö ömaköwu, kür ipodh unu ï bal."✝4:26 Jabuli 4:4 Kür ïmïï unu ceng ödöny nakun akëmö pod ömaköwu, 27 ëka kür ïmïï unu karë both Catan. 28 Ngat n’obedo ka kwalö jami ka jïï myero öwëk kwo ökö ëka öcak tio tic më tïmö gin mörö na bër kï cïngë, ëk onwong gin mörö më könyö kï jö nökënë na mïtö köny.

29 Kür ïmïï unu köp na rac odonyi kï ï dhöwu, ëntö twak unu köp na bëcö këkën na könyö më döngö jö nökënë na lübërë kï gin na mïtërë, ëk jö na winyo köpwu onwong köny kï ïë. 30 Kür ïmïï unu Tipo Naleng k’Obanga okum, n’ëmïöwu ëk obed calö anën mërë n’ëmwönö ï komwu pï kürö nïnö më kököwu. 31 Wëk unu dong bedo kï këc cwiny, wang ïc, akëmö, dha ï wi jö nökënë, ayeny, ëka rac cwiny kïbëc. 32 Nakaka manön, bed unu jö na tïmö kïca both ngat acëlacël kï cwiny na bër, tïm unu kïca ï kinwu kenwu kite n’Obanga ötïmö niwu kïca ï Kiricito.