Lucas 1

Wer ka Maria më pakö Obanga

46 Maria okobo nï,✝1:46 1 Camuel 2:1-10

"Tipona pakö Rwoth,

47 cwinya yom ï kom Obanga Alarna,

48 Pïën ën öparö pï atic mërë,

kadï bed rwöm mërë ute pïny.

Cakërë kobedini, jö më karë kïbëc bino cwodona nï akome gum.

49 Obanga Won Twër ötïmö gin na döngö pïra,

Ën nyïngë leng.

50 Ën nyutho kïca mërë both jö na winyo ën

pï karë kïbëc.

51 Badë na ute kï tëkö, otio tic na döngö.

Wegi awaka ï cwinygï ëkëthö ökö.

52 Ën ötürö löc ka rwodhi,

ëka otingo jö na bwönërë malö.

53 Ën ömïö cem ëka jami na bëcö both jö na kec neko,

ëka öryëmö ëlönyö kï cïng-gï nono.

54 Obanga ökönyö etic mërë Icarael.

Ën opo më tïmö kïca,

55 both Abraam ëka ëkwaë mërë kïbëc,

kite na yam öcïkërë ködë both kwerewa."