Luka 2

Ëmïö Yecu ï öt k’Obanga

22 Na karë më kwer më lönyërë*2:22 Kwer më lönyërë obedo kwer na mon k’Eyuda myero ötïm gïnï më lönyërë pïën Cïk na yam Obanga ömïö Muca kobo nï, ka dha Ayuda önywölö athïn ën dökö gïn na ba leng. Më dökö ngat na leng dök kinge nywöl mërë, myero ën obed kono pï nïnö 40 kinge nywöl ëka ömïï tyër. na lübërë kï cïk ka Muca dong othum, Yocepu ëka Maria otero Yecu yo Jerucalem co mïö ën both Rwoth. 23 (Kite n’ëcöö ködë ï cïk ka Rwoth, "Ëthïnö kaö kïbëc na cwö myero ëmïï both Rwoth"✝2:23 Yaa 13:2, 12, 15). 24 Ëka thon kite n’ëcöö ï Cïk ka Rwoth nï enyodo myero thon ömïï tyër n’obedo, "Amame arïö, onyo ëthïn akuce arïö."✝2:24 Jö Lebi 12:8

25 Ï karë nonu, onwongo ëcwö mörö na nyïngë Cimeon ute ï Jerucalem, n’onwongo kite atïr ëka lworo Obanga. Ën onwongo kürö Kiricito na bino larö jö Icarael. Tipo Naleng onwongo tëlö ën. 26 Yam Tipo Naleng onyutho nïnë nï ën ba bino thöö wang na ën önënö Kiricito na yam Rwoth öcïkö both jö Icarael. 27 Kï tëkö ka Tipo Naleng, ën öcïdhö yo dyekal öt k’Obanga. Ï karë n’enyodo okelo athïn Yecu ëk ëtïm nïnë kit na cïk mïtö ködë. 28 Cimeon otingo ën ï badë ëka öpakö Obanga, na kobo nï,

29 "Rwoth Obanga Won Twër ïgwökö kwongni köda,

yee dong aticni öcïdh kï kuc.

30 Pïën wanga dong önënö Alar,

31 na in ïyërö më larö jö kïbëc.

32 Ën bino kelo tar më cwiny both jö na ba obedo Eyuda,

ëka pï dheo both jö na megi Icarael."✝2:32 Icaya 42:6; 49:6; 52:10

33 Apap ëka aya k’athïn ouro gïnï ngö n’ekobo ï kom Yecu. 34 Cë Cimeon ölamö gum ï komgï ëka okobo n’aya mërë Maria nï, "Athïn ni bino mïö jö na pol kï ï lobo Icarael podho pïny ëka yaa malö, ëka bino bedo anyuth n’ebino twak ïë na rac, 35 ëk tham më cwiny jö na pol omore yökö. Cwer cwiny bino cöböni calö ëcöbö cwinyi kï pala abadë."

36 Yam adwarpïny na dhakö tye na nyïngë Ana, nyaka Panuel më kaka Acer. Ën onwongo dong otii rwök. Kinge nyom mërë, ën ökwö kï cwörë pï mwaka abïrö. 37 Cwörë onwongo öthöö ökö, ëka onwongo dong ut kï mwaka pyer aboro wie angwën. Ën ba öwëkö öt k’Obanga ëntö öwörö Obanga kiwor thon kiceng na rio kec ëka lëgö. 38 Ï caa nön Ana obino bothgï, cë öpwöyö Obanga, ëka ötwak pï athïn nön both jö kïbëc na yam kürö karë më larö jö Icarael.