Lucas 9

Yecu ooro ëlübkörë apar arïö

1 Yecu ocwodo ëlübkörë apar arïö kanya acël cë ömïögï tëkö kï twër më ryëmö cene ëka kï cangö twoe. 2 Cë oorogï më cïdhö tïtö köp ï kom Ker k’Obanga ëka më cangö etwoe. 3 Ën öcïkögï nï, "Ï wothwu kür ïcïdh unu kï gin mörö. Kür ïcïdh unu kï lüth, k’ekapu, onyo cem, cïlïng ëka kï böng arïö. 4 Öt nï bino dönyö unu ïë, bed unu kunön naka ïya unu kï ï taun nön. 5 Kanya ba ëgamöwu ïë, ka ïya unu kï ï taun nön tëng unu apua më tyënwu,*9:5 Tëng unu apua më tyënwu nyutho nï Obanga ökwërö jö më pacö nön, pïën gïn ökwërö winyo köp k’ëkwëna. ëk onyuth nïgï nï ëngölö köp ï komgï pï kwërö köp më Emuth na Bër." 6 Ëlübkör Yecu öya ëka öcïdhö gïnï ï peci na tïtö gïnï köp më Emuth na Bër ëka kï cangö etwoe ï kabedo kïbëc.