Matayo 22

Peny ï kom cer kï ï thöö

23 Ï nïnö nön kikokome, Ecadukayo na kobo gïnï nï cer ka jö n’öthöö ope obino gïnï both Yecu ëka openyo gïnï ën nï, 24 "Apwony, Muca yam okobo nïwa nï ka ëcwö mörö öthöö na ba önywölö ëthïnö, ömïn mërë myero ölak dhakö mërë ëk önywöl ëthïnö nakaka ömïn mërë n’öthöö.✝22:24 Nwönö Cïk 25:5-6 25 Yam onwongo tye utmego abïrö ï kinwa kany. Dhanö më acël obino önyömö dhakö ëka öthöö ökö na ba önywölö ëthïnö, cë ën öwëkö dhakö mërë both ömïn mërë. 26 Ömïn mërë më arïö nön thon obino öthöö ëka më adek naka otyeko jö abïrö nonu kïbëc. 27 Ï ajiki mërë, dhakö thon obino öthöö. 28 Cë dong ï karë më cer, dhakö nön bino bedo më ka nga kï kin jö abïrö nonu, nakun dhakö nön onwongo obedo mëgï kïbëc?"

29 Yecu ögamö nï, "Un irwenyo ökö pïën ba ingeo unu Cöc na Leng onyo tëkö k’Obanga. 30 Ï karë më cer, jïï ba bino nyom onyo ënyömögï; ëntö gïn bino bedo calö emalaika na tye ï polo. 31 Ëntö köp ï kom cer ka jö n’öthöö—un ïkwanö ngö n’Obanga okobo niwu nï, 32 ‘An abedo Obanga k’Abraam, Obanga ka Icaka ëka Obanga ka Jakob’✝22:32 Yaa 3:6 Ën ba obedo Obanga ka jö n’öthöö ëntö Obanga ka jö na kwö."

33 Ï karë na lwak owinyo köp ni, obedo gïnï kï ur rwök ï kom pwony mërë.