17 Kite n’ëcöö ködë ï Cöc na Leng nï: "An dong akethi ëk ibed kwarö ka rok na pol."4:17 Acaki 17:5 Cïkërë ni emoko ï nyim Obanga n’Abraam oye—Obanga na mïö kwö both jö n’öthöö ëka na cwodo gin mökö na komgï ope bedo na tye.
18 Abraam onwongo ope kï gen nï ebino nwongo ëthïnö. Ëntö Abraam oye ï kom Obanga ëka ömëdërë bedo kï gen. Ömïö ën ödökö kwarö ka rok na pol kite na calö ëcöö nï, "Ëkwaëni bino bedo nï kömanön."4:18 Acaki 15:5 19 Ën ba obedo na görü ï yee mërë ï karë n’obedo parö pï kome kënë, n’onwongo röm aröma kï gin n’öthöö, pïën mwaka më dit mërë onwongo dong cwök römö mia acël külü. Mëdö ï kom manön, dhakö mërë thon onwongo obedo alür. 20 Yee mërë ba ödök cen, ba obedo ka cacapa ï thama mërë ï kom cïkërë k’Obanga, ëntö yee mërë ömëdërë amëda ödökö na tëk rwök nakun ën mïö dheo both Obanga. 21 Ën onwongo omoko thama mërë nï Obanga tye kï twër më tïmö gin na ën öcïkö.