25 Erah tokdi Jerusalem hadaang ni mih wasiit heh men ah Simoon songtongta. Heh ah wase nyia Rangte ra choote mina angta, eno Ijirel mina loong khopui suh heh ih Rangte ah ban sok ruh eta. Esa Chiiala ah heh damdi angta 26 erah dam ih heh suh Teesu ih thoomhoon cho Kristo ah maang tuptup an tatiiko ih kakhamta. 27 Chiiala ah ih siit ano Simoon ah rangsoomnok ni wangta. Heh jaatang ih khobaang Jisu ah rangsoomnok ni Hootthe ih jamha jun ih piijah nyuuha di, 28 Simoon ih noodek ah heh lakkhoni toonpi ano Rangte suh lakookmi liita:
29 "Teesu, an ih thoomhoon jengdang ah thiincho,
eno an laksuh ah semroongroong et kaat thuk uh.
30 Nga mikmik ih an jiin dowa khopiiroidong ah tup ih hang,
31 marah an ih loongtang pandi hoon thiin tu rah ah:
32 2:32 Isa 42:6 Jehudi lah angte loong suh an tenthun ah jathuk suh weephaak ah phaak ah
no an mina Ijirel loong tenroon ih phaakjaaja ang rum ah."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)