Saapriimte nyia Rangsah
8 Erah deek adi mararah saapriimte loong rangphe pheetang ih phek ni, neng saapsah loong ban sok rumta. 9 Rangsah rah neng reeni dongchapta, eno Teesu chaan ah neng khothung ni phaakta. Eno neng ah rapne ih cho rumta, 10 enoothong Rangsah rah ih liirumta, "Nakcho an! Ngah aradi sen suh Ruurang Ese huijah halang, erah ih mina loongtang suh rapne tenroon thuk ah. 11 Chiinyah Dewid hadaang ni sen pangte tupta—Teesu Kristo ah! 12 Eno sen suh erah jatthuk han: sen ih noodek esiit nyuh ih khoon ano maan tokkhuung nah jupthiin arah tup an."
13 Baphuk ih heh damdi rangsah loong hantek ih rang nawa dong taha, eno boongkaat lam ih Rangte rangphoong rumta:
14 "Rangte chaan ah echoong thoon rangmong ni phaakjaaja,
erah dam ih hah nah semroongroong ang thuk ah heh thunghaanla loong asuh ah!"