Mateus 26

Jisu tek haat kaankoong

1 Jisu ih erah loong ah jen thoon nyootsoot rum ano, heliphante loong asuh baatta, 2 ✝26:2 Hpkt 12:1-27"Sen ih jat ehan, sa nyi mongdoh, Khopi Kuwaang angte, eno Mina Sah ah bangphak nah rapbot suh mih suh jokoh rum ah."

3 Eno romwah phokhoh nyia hadaang phokhoh loong ah Romwah Phokhothoon Kaiaphas noklong ni lomtong rumta, 4 eno Jisu ah jokhak ano tek haat suh ngoongthum huthum rumta. 5 Neng ih liita, "Seng ih erah kuwaang tokdoh lajaajaat reejih, adoleh miloong ah phophaang daanmui rum ah."

Bithaani ni Jisu phontum ih lokta

6 Bithaani ni Jisu ah engam wah Simoon nok ni angta. 7 ✝26:7 Luk 7:37,38 Jisu phaksat phaksah tokdi, minuh nusiit ih kom thuung adi phontum ah pi ano wang taha eno Jisu lah adi lokta. 8 Heliphante loong ah ih erah sok rum ano ekhat ih rumta. "Arah loong ah tumet suh thaaja wan halu? Neng ih cheng rumta. 9 "Arah phontum ah ngun hantek doh sang ano changthih loong suh kotjih boh angta!"

10 Neng ih tumjih li rumta erah Jisu ih ejat etta , eno baat rumta, "Arah nuh ah sen ih tumet suh paklak han? Nga raangtaan ih heh jaase jih nyia epunjih boh reela. 11 ✝26:11 Hodb 15:11Changthih loong abah saarookwih sen damdam eje ang ha, enoothong ngah ah sen damdoh saarookwih lajeete. 12 Arah nuh reela ah langla, nga sak nah phontum ah lok ano nga mangbeng thengnah thiinkaat suh ban khookhamha. 13 Amadi, ngah ih amiimi tiit baat rumhala arah mongrep adoh ruurang ese marah nah thok ah, erah doh arah minuh reela ah labeehaat thang ih samthun jih ang ah."

Jisu jootkot suh Judas roopta

14 Eno heliphante loongdung dowa wasiit—hemen ah Judas Eskeriot—romwah phokhothoon nok ni kah ano 15 ✝26:15 Jek 11:12chengta, "Jisu ah jokoh ha bah an ih ngah suh tumjih kohang?" Neng ih ngunkholok lo rookjom ah rookweh rum ano Judas suh korumta. 16 Erah sa dowa ih Judas ih Jisu ah neng suh jootkot suh rangwuung ban sok ruh eta.

Jisu ih khopi romhoon phaksat sata

17 Toomuh Baanlo Kuwaang saakhoh thoon adi heliphante loong ah Jisu jiinni thokrum ano cheng rumta, "Khopi Romhoon phaksat ah an raangtaan ih maradoh khookham thuk he?"

18 Heh ih baat rumta, "Samnuthung ni mih esiit je ah erah jiinnah kah an, eno heh suh baat an: ‘Nyootte ih liita, nga saapoot ah thok ehala; nga liphante nyia ngah ih Khopi Romhoon phaksat ah an nok nah phaksah ih eah.’"

19 Heliphante loong ah ih heh ih mamet baatta erah jun ih kuwaang phaksat ah khookham rumta.

20 Rangjaako di, Jisu nyia heliphante asih wanyi loong ah phaksat suh tong rumta. 21 Phaksat tokdi Jisu ih liita, "Ngah ih baat rumhala, sengdung dowa wasiit ih ngah ah mih suh khumtante ang hali."

22 Heliphante loong ah rapne ih thungthih rum ano wasiit wasiit ih cheng rumta, Teesu, Amiisak ih ngah suh maamok li jang oh?"

23 ✝ 26:23 Rsb 41:9 Jisu ih ngaakbaat rumta, "Nga damdoh khuungsiit ni roong phaksatte ih khuumtante ang halang. 24 Mina Sah abah etek ete Rangteele ni raangha jun ih ah, enoothong tumthan echoojih ang ah Mina Sah khuumtante wah raang ih ah! Erah mih ah lalaan dong tup taha bah ese ang thengta!"

25 Judas, Jisu mokwaante wah, ah toonjengta. "Nyootte, an ih amiimi ngah suh maamok li jang oh?" Judas ih chengta. Jisu ih ngaakbaatta, "An ih liihu ah ju angte."

Teesu phaksat

26 Neng phaksat phaksah rum adi, Jisu ih baanlo ah toonpi ano, Rangte suh lakookmi rangsoom ah soom ano, chepphiitta, eno heliphante loong asuh korum ano, "Phak an; ih baat rumta, "Arah ah nga sak."

27 Erah lilih heh ih lokkep ah toon ano, Rangte suh lakookmi liita, eno heliphante loong asuh korumta. "Jok an," heh ih baatta; 28 ✝26:28 Hpkt 24:8; Jer 31:31-34"Arah ah nga sih, Rangte nyia mina chamchi ni nuumiijeng*26:28 nuumiijengRangte nyia mina chamchi ni jengdang(covenant) tangmiin ha, nga sih ah miloong rangdah biin anaan suh jan ah.