Mateus 3

Juungtemte Joon ih Rangte tiit baatta

1 Erah tokdi Juungtemte Joon ih Judia hadaang phisaang hah mong ni Rangte tiit ah phang baat rumta. 2 ✝3:2 Mat 4:17; Mk 1:15 "Sen rangdah nawa ngaak ehan," heh ih baatta, "tumeah Rangmong Hasong ah thok nanah ih hala!" 3 ✝3:3 Isa 40:3 (LXX) Khowah Isaia ih banbaatta wah ah Juungtemte Joon angta eradi amet liita,

"Mih esiit phisaang hah mong ni riingla,

‘Teesu raangtaan ih lam ban hoon thiin an;

Heh khoom suh lamjun et hoon an!’"

4 ✝ 3:4 2Lu 1:8 Juungtemte Joon nyuh akhat ah mokchongdoot roon nawa ih hoon arah angta; heh roomkhe ah siikhoop angta, erah damdi heh phaksat ah wotuute nyia woma nawa najui angta. 5 Mina loong ah heh jiinni Jerusalem nawa kalomthok rumta, erah damdi Jordan juung re ko Judia juungkhuung re nawa loong nep thokta. 6 Neng ih neng rangdah loong ah dokbaat leh, Jordan adi juung ah tem rumta.