Eclesiastes 3

Har Bāt kā Apnā Waqt Hai

1 Har chīz kī apnī ghaṛī hotī, āsmān tale har muāmale kā apnā waqt hotā hai,

2 janm lene aur marne kā,

paudā lagāne aur ukhāṛne kā,

3 mār dene aur shafā dene kā,

ḍhā dene aur tāmīr karne kā,

4 rone aur haṅsne kā,

āheṅ bharne aur raqs karne kā,

5 patthar phaiṅkne aur patthar jamā karne kā,

gale milne aur is se bāz rahne kā,

6 talāsh karne aur kho dene kā,

mahfūz rakhne aur phaiṅkne kā,

7 phāṛne aur sī kar joṛne kā,

ḳhāmosh rahne aur bolne kā,

8 pyār karne aur nafrat karne kā,

jang laṛne aur salāmatī se zindagī guzārne kā,