Paidāish 1

Pāṅchwāṅ Din: Pānī aur Hawā ke Jāndār

20 Allāh ne kahā, "Pānī ābī jāndāroṅ se bhar jāe aur fizā meṅ parinde uṛte phireṅ." 21 Allāh ne baṛe baṛe samundarī jānwar banāe, pānī kī tamām dīgar maḳhlūqāt aur har qism ke par rakhne wāle jāndār bhī banāe. Allāh ne dekhā ki yih achchhā hai. 22 Us ne unheṅ barkat dī aur kahā, "Phalo-phūlo aur tādād meṅ baṛhte jāo. Samundar tum se bhar jāe. Isī tarah parinde zamīn par tādād meṅ baṛh jāeṅ." 23 Shām huī, phir subah. Yoṅ pāṅchwāṅ din guzar gayā.

Chhaṭā Din: Zamīn par Chalne Wāle Jānwar aur Insān

24 Allāh ne kahā, "Zamīn har qism ke jāndār paidā kare: maweshī, reṅgne wāle aur janglī jānwar." Aisā hī huā.