Yūhannā 20

14 Phir us ne pīchhe muṛ kar Īsā ko wahāṅ khaṛe dekhā, lekin us ne use na pahchānā. 15 Īsā ne pūchhā, "Ai ḳhātūn, tū kyoṅ ro rahī hai, kis ko ḍhūnḍ rahī hai?"

Yih soch kar ki wuh mālī hai us ne kahā, "Janāb, agar āp use le gae haiṅ to mujhe batā deṅ ki use kahāṅ rakh diyā hai tāki use le jāūṅ."

16 Īsā ne us se kahā, "Mariyam!"

Wuh us kī taraf muṛī aur bol uṭhī, "Rabbbūnī!" (Is kā matlab Arāmī zabān meṅ ustād hai.)