Yūhannā 20

Īsā Apne Shāgirdoṅ par Zāhir Hotā Hai

19 Us Itwār kī shām ko shāgird jamā the. Unhoṅ ne darwāzoṅ par tāle lagā die the kyoṅki wuh Yahūdiyoṅ se ḍarte the. Achānak Īsā un ke darmiyān ā khaṛā huā aur kahā, "Tumhārī salāmatī ho," 20 aur unheṅ apne hāthoṅ aur pahlū ko dikhāyā. Ḳhudāwand ko dekh kar wuh nihāyat ḳhush hue. 21 Īsā ne dubārā kahā, "Tumhārī salāmatī ho! Jis tarah Bāp ne mujhe bhejā usī tarah maiṅ tum ko bhej rahā hūṅ." 22 Phir un par phūṅk kar us ne farmāyā, "Rūhul-quds ko pā lo. 23 Agar tum kisī ke gunāhoṅ ko muāf karo to wuh muāf kie jāeṅge. Aur agar tum unheṅ muāf na karo to wuh muāf nahīṅ kie jāeṅge."