22 سچائی کے تابع ہو جانے سے آپ کو مخصوص و مُقدّس کر دیا گیا اور آپ کے دلوں میں بھائیوں کے لئے بےریا محبت ڈالی گئی ہے۔ چنانچہ اب ایک دوسرے کو خلوص دلی اور لگن سے پیار کرتے رہیں۔ 23 کیونکہ آپ کی نئے سرے سے پیدائش ہوئی ہے۔ اور یہ کسی فانی بیج کا پھل نہیں ہے بلکہ اللہ کے لافانی، زندہ اور قائم رہنے والے کلام کا پھل ہے۔ 24 یوں کلامِ مُقدّس فرماتا ہے،

"تمام انسان گھاس ہی ہیں،

اُن کی تمام شان و شوکت جنگلی پھول کی مانند ہے۔

گھاس تو مُرجھا جاتی اور پھول گر جاتا ہے،

25 لیکن رب کا کلام ابد تک قائم رہتا ہے۔"

مذکورہ کلام اللہ کی خوش خبری ہے جو آپ کو سنائی گئی ہے۔