6 U̱m o̱ yadu̱ bo̱ tunto̱ bo̱r-to̱ remu̱ u̱zu̱ fat-u̱r ri o̱ u̱ka u̱r-to̱o̱g du̱ u-swa du̱ wa-to̱o̱g dase̱, tu̱msu̱ da-u̱ u̱m do̱’e̱ yage̱ uno̱ dak-u̱ u-be̱e̱t o̱ u̱t-mo̱r.
Gom-tu̱ m-vaste̱ Burus
9 No̱m m-ho̱r u̱ka bo̱ do̱te̱ u̱t-no̱m bo̱ haan u̱du̱ ri. 10 Remu̱ zu̱ Dimas kuustu̱n me̱ u-shin u̱ remu̱ cwan-tu̱ no̱m-tu̱ u-dak tu̱msu̱ wa yakke̱ me̱ wa do̱’e̱ u̱ Tasaronika. Kiricin do̱’e̱ u̱ Garatiya, tu̱msu̱ Titus do̱’e̱ u̱ Dimatiya. 11 Ruka wa o̱ u̱r-ko̱t u̱-me̱ ne̱ kyak. Gote̱ Markus u̱ bo̱ haatu̱n wa, remu̱ u̱zu̱ wa o̱ u̱r-se̱ge̱ ne̱ du̱ yat-de̱ u̱-me̱ ank-m ri. 13 Da-u̱ bo̱ o̱ haan, se̱ bo̱ kabnu̱ me̱ u-go̱do̱ yu̱ u̱m yagne̱ u̱-me̱ bo̱-u̱ Toruwa u̱ kom-u̱t Karbus. Tu̱msu̱ bo̱ kabne̱ me̱ ran-tu̱ u̱s-pan ri, hadde tu̱ na no̱me̱ u̱ ka-tu̱ u̱t-bisa.
16 Da u̱m ruute̱ hi-u̱r ri u̱r-taku̱n u̱-shu̱ wa-kwu̱p-du̱ u̱s-rem, waku̱n do̱ro̱g dim-u̱ ri da. Kowan so̱mo̱g me̱. Ta’as Ru̱-u̱ to̱p u̱n no̱m-u̱t to̱ u̱t-be̱e̱t m-yo̱ u̱ u̱n ne̱ da.