Atos 16

10 Da-u̱ Burus no̱me̱ u-hyan, za rem it*16:10 Ne̱t-tu̱ nak u̱zu̱ <<it>> ko̱ske̱ u̱zu̱ Ruka o̱ u̱r-kot u̱ Burus ne̱, u̱ hu̱u̱b-tu̱ m-ha wa ne̱. yu̱ne̱ it pu̱s m-ha u̱ Makidoniya, remu̱ it kwu̱ng m-nap u̱zu̱ Ru̱-u̱ o̱ fagu̱ it, it war Rem-su̱ m-Re̱me̱r.

Ridiya no̱ng yadu̱ jab u̱du̱ Wa-ko-uyan

11 It nok u̱ me̱ u-hat du̱gu̱ dak-u̱ Toruwa m-ha u̱ Samutakiya,*16:11 Samutakiya dak-u̱ o̱ m-gan m-sa. tu̱msu̱ u̱r-is gas it te bo̱-u̱ Niyaporis. 12 Tu̱msu̱ du̱gu̱ ku̱n it aru̱k m-ha u̱ bo̱-u̱ Firibi u̱ o̱ u̱-me̱ faru̱k-du̱ dak-u̱ Roma, tu̱msu̱ o̱ o̱ye̱ bo̱-u yat-o̱ u̱ kwu̱n-u̱ dak-u̱ Makidoniya. It no̱mo̱g u̱t-ho̱ u̱ku̱n cashi. 13 U̱ Ho̱-du̱ u̱r-Hure̱ it ru u̱ is u-bo̱, it do̱’e̱ u̱ kit u-gi be-du̱ it o̱o̱g m-hyan it u̱t-kwu̱m be-du̱ u̱s-to̱o̱g du̱ Yahuda-ne̱. Se̱ it shu̱’u̱t it nom u̱s-rem u̱ ne̱ta-ne̱ i haane̱ u̱ku̱n. 14 Yaku̱n ne̱ta ya o̱ro na zu̱ wa Ridiya, wu̱ no̱mu̱ u-Ru̱ u̱t-huuk,*16:14 Yahuda-ne̱ wa’ag dim-u̱r re̱ <<A no̱mu̱ u-Ru̱ u̱t-huuk>> u̱du̱ ne̱t wu̱ dore̱ ko̱se̱-u̱t Yahuda-ne̱ se̱di na no̱ngu̱ u̱r-pe̱s da. Remu̱ ko̱b-du̱ u̱r-pe̱s, Yahuda-ne̱ kabu̱g u̱n u̱ka i za-yahuda-ne̱ da. wa o̱gu̱ ho̱g-du̱ it. Wa ne̱t-u̱ bo̱-u̱ Tayatira wa, wa bu̱b kus-tu̱ randi-m jaz-mo̱ mu̱ shik u-tát. Wa-ko-uyan upuste̱ jab-u̱ rò wa wu̱ jab-u̱ e̱rru̱ no̱mu̱ Burus o̱o̱ge̱ u̱t-war. 15 Da-u̱ na no̱mu̱ wu̱n u̱t-yu̱bu̱sse̱ m-bu̱ u̱r-kot u̱ ne̱t-tu̱ bu-u rò ne̱, se̱ wa ko̱n u̱zu̱, <<A no̱ eese̱ u̱zu̱ me̱ ma-tu̱ wa yadu̱ jab wa u̱du̱ Wa-ko-uyan, haanu̱n no̱ cu̱st u̱ bu-u ri.>> Wa pu̱r it, it ees.

Tu̱-shu̱ tu̱ u-bo̱ wa’ag Burus u̱ Sira ne̱ u̱-me̱ kur-u̱ m-to̱k

16 De̱ku̱n ho̱-de̱ it o̱gu̱ ha-mu̱ be-du̱ u̱s-to̱o̱g, se̱ it goone̱ u̱ e̱ke̱n gwu̱p-e̱ ne̱ to̱k wu̱ nome̱ u-gwat u̱ be̱b-du̱ no̱m u̱s-te. I u o̱ u̱ kom-u̱t e̱ o̱ kwu̱m-du̱ shik u-tát remu̱ gwat-u o̱ u̱ wa nome̱. 17 Se̱ gwu̱p-i e̱ hu̱ Burus ne̱, wa o̱ u̱t-jar wa o̱ u̱t-zu̱, <<Ne̱t-u̱t tun-to̱ to̱k u-Ru̱ e̱ wu̱ m-sek, wu̱ zege̱ ko-uyan ru̱-o̱, e̱ o̱ warru̱ fu̱n-yu̱ kwu̱m-du̱ u-u̱ku̱r!>>