Waku̱n no̱ngu̱ Burus u̱s-rem u̱ te̱k-u̱ u-hyan u̱zu̱ wa haan u̱ dak-u̱ Makidoniya
6 Burus u̱ hu̱u̱b-tu̱ m-ha wa ne̱ to u̱ Gas-u̱ dak-tu̱ Firijiya u̱ Garatiya-ne̱, remu̱ zu̱ Yar-u u-Ru̱ hooste̱ u̱n warru̱ rem-su̱ u-Ru̱ u̱ dak-u̱ Asiya. 7 Da-u̱ u̱n tene̱ ma-du̱ dak-u̱ Misiya, e̱ nom u̱ka e̱ cwa u̱ dak-u̱ Bitiniya, se̱ Yar-u Ye̱so̱ hoos u̱n. 8 Se̱ e̱ dor gas-u̱ dak-u̱ Misiya, e̱ irig m-ha u̱ bo̱-u̱ Toruwa. 9 M-gyu̱p Burus nom u-hyan, wa hyen waku̱n u̱ dak-u̱ Makidoniya u̱ ees. Wa o̱gu̱ ko̱n-du̱ wu̱n u̱zu̱, <<Haane̱ u̱ Makidoniya bo̱ se̱gu̱ it!>> 10 Da-u̱ Burus no̱me̱ u-hyan, za rem it16:10 Ne̱t-tu̱ nak u̱zu̱ <<it>> ko̱ske̱ u̱zu̱ Ruka o̱ u̱r-kot u̱ Burus ne̱, u̱ hu̱u̱b-tu̱ m-ha wa ne̱. yu̱ne̱ it pu̱s m-ha u̱ Makidoniya, remu̱ it kwu̱ng m-nap u̱zu̱ Ru̱-u̱ o̱ fagu̱ it, it war Rem-su̱ m-Re̱me̱r.