14 Biturus yu̱ne̱ u̱r-ees u̱r-kot u̱ a-To̱mu̱ Ye̱so̱ ne̱ o̱p u-gan, wa jaku̱s u-cwar wa zu̱, <<O̱r-u̱t ri Yahuda-ne̱ be̱e̱t i o̱ u̱r-yu̱ u̱ Urusharima, ho̱go̱n, tu̱msu̱ e̱re̱n u̱t-to̱ no̱ ho̱g no̱m-u̱ u̱m de̱ waru̱ no̱. 15 Ne̱t-u̱t tun-to̱ swaag ke̱' da, u̱ka no̱ o̱tte̱ m-hyan, wu̱ndu̱ o̱mo̱n uro ne̱. 16 No̱m-u̱ wa-warru̱ rem-su̱ u-Ru̱ Jowe̱r ware̱ o̱ u̱zu̱,

17 << <Ru̱-u̱ zu̱: U̱ ho̱-tu̱ u̱r-vaste̱,

u̱m de̱ to̱knu̱ Yar-u ri u̱du̱ u̱t-ne̱t.

Yaag-u̱ no̱ campa-ne̱

u̱ yaagu̱ ne̱ta-ne̱ do̱’e̱

no̱m-du̱ bu̱t-tu̱ rem-u̱s ri,

Yaagu̱ be̱b-ne̱ de̱

no̱m-du̱ u-hyan,

Ne̱nge̱n-tu̱ de̱ no̱m-du̱ u̱s-bo'.