3 A no̱ o̱ m-no̱m o̱ko̱n u̱ remu̱ cwan-tu̱ u̱r-hi da, se̱di no̱ ko̱se̱ hi-u̱r no̱ u̱zu̱ o̱ko̱n no̱m-o̱ no̱ o̱o̱ge̱ da. Se̱di no̱ shu̱’u̱t swu̱u̱ne̱, gwatu̱n o̱r-u̱t no̱ ne̱ m-ze̱g hi-u̱t no̱. 4 A no̱ gwat hi-u̱r no̱ u̱ bo̱ru̱ no̱ da, se̱di no̱ gwat o̱r-u̱t no̱ ne̱ ko̱’e̱.
5 Yagu̱n u̱ dorog-u̱s no̱ shu̱’u̱t u̱ka su̱ o̱o̱ge̱ ba sha-mu̱ su̱ Kiristi Ye̱so̱:
6 Ko̱ ba shu̱’u̱te̱ u̱zu̱ wa o̱ u̱ka u-Ru̱
u̱ ko̱yu̱he̱ fu̱n-ya,
wa muute̱ shu̱’u̱t-u̱r wa u̱s-gan u-Ru̱ ne̱
no̱m-u̱ wa do̱’e̱ u̱t-shu̱p da.
7 Se̱di wa muute̱ hi-u̱r wa u̱zu̱ wa otte̱
m-shin u̱ shu̱’u̱te̱ u̱s-gan u-Ru̱ ne̱ da,
tu̱msu̱ wa ku̱b o̱g-du̱ to̱k,
tu̱msu̱ na mu̱u̱t wu̱n u̱ sha-mu̱ ne̱t.
8 Da-u̱ wa haane̱ u̱ sha-mu̱ ne̱t,
wa muut hi-u̱r wa swu̱.
Tu̱msu̱ wa ye m-ze̱g u̱du̱ u-Ru̱,
tu̱msu̱ m-ha m-mar ne̱,
mar-mu̱ do̱m-u u-kan.