5 Yagu̱n u̱ dorog-u̱s no̱ shu̱’u̱t u̱ka su̱ o̱o̱ge̱ ba sha-mu̱ su̱ Kiristi Ye̱so̱:
6 Ko̱ ba shu̱’u̱te̱ u̱zu̱ wa o̱ u̱ka u-Ru̱
u̱ ko̱yu̱he̱ fu̱n-ya,
wa muute̱ shu̱’u̱t-u̱r wa u̱s-gan u-Ru̱ ne̱
no̱m-u̱ wa do̱’e̱ u̱t-shu̱p da.
7 Se̱di wa muute̱ hi-u̱r wa u̱zu̱ wa otte̱
m-shin u̱ shu̱’u̱te̱ u̱s-gan u-Ru̱ ne̱ da,
tu̱msu̱ wa ku̱b o̱g-du̱ to̱k,
tu̱msu̱ na mu̱u̱t wu̱n u̱ sha-mu̱ ne̱t.
8 Da-u̱ wa haane̱ u̱ sha-mu̱ ne̱t,
wa muut hi-u̱r wa swu̱.
Tu̱msu̱ wa ye m-ze̱g u̱du̱ u-Ru̱,
tu̱msu̱ m-ha m-mar ne̱,
mar-mu̱ do̱m-u u-kan.
9 Remu̱ iya ne̱,
Ru̱-u̱ fu̱bu̱sse̱ wa u̱ be-du̱ ze̱ge̱,
tu̱msu̱ wa ye wu̱n u̱r-dim
du̱ ze̱ge̱ ko̱du̱he̱ dim-de̱.
10 Remu̱ u̱-me̱ dim-u̱r Ye̱so̱ ko̱du̱he̱
jwu̱n-de̱ do̱’e̱ u̱t-kwu̱ku̱t,
u̱-do̱m u-ru̱ u-dak ne̱
tu̱msu̱ u̱-ta u-dak ne̱,
11 Tu̱msu̱ ko̱du̱he̱ rem-de̱ do̱’e̱ u̱t-war
u̱zu̱ Ye̱so̱ Kiristi Wa-ko-uyan wa,
remu̱ sek-mu̱ u-Ru̱ u-U̱so.