Gálatas 2

Burus hagu̱sse̱ Biturus

11 Se̱di da-u̱ Biturus*2:11 Biturus Biturus u̱t-Girik na zu̱ wa Kefas. haane̱ bo̱-u̱ Antakiya, u̱m baste̱ wu̱n u̱-shu̱ a-dor-ne̱, remu̱ u̱zu̱ no̱m-u wa o̱o̱g u̱t-no̱m o̱ za ho̱n-ho̱n da. 12 Remu̱ da-u̱ wa teene̱ u̱r-taku̱n, wa o̱o̱g m-re̱ no̱m u̱t-re̱ u̱ i za-Yahuda-ne̱. Se̱di a tase̱, da-u̱ to̱ko̱n ne̱t-to̱ haan du̱gu̱-du̱ Yakubu, wa he̱e̱se̱ mu̱u̱du̱ u-dim tu̱msu̱ wa mot hi-u̱r wa du̱gu̱-du̱ u̱n. Wa o̱ gye̱r-u̱ Yahuda-ne̱ i zu̱ye̱ se̱ na no̱ngu̱ i za-yahuda-ne̱ da u̱r-pe̱s. 13 Tu̱msu̱ Yahuda-ne̱ u-tát e̱ same̱ u̱t-hi u̱ ha-mu̱ u̱r-no̱ wu̱n ne̱, ko̱ Baraba hi-u̱r wa u̱n e̱ngu̱sse̱ wa tu̱msu̱ wa dor u̱n u̱ ha-mu̱ u̱r-no̱ u̱n ne̱.

14 Da-u̱ u̱m hyane̱ u̱n yakke̱ do̱rru̱ fu̱n-yu̱ u̱t-nip yu̱ Rem-su̱ m-Re̱me̱r, u̱m zu̱ Biturus u-shu̱ ko̱wan, <<Bo̱ ne̱t-u̱ Yahuda wa, m-ha iya ne̱ bo̱ zaar do̱rru̱ bo̱r-tu̱ Mosa yasu̱ Yahuda-ne̱ da. ¿Re̱-o̱ no̱m-te̱ u̱ da-o̱ bo̱ o̱tte̱ wadu̱ a-za Yahuda-ne̱ e̱ dor bo̱r-tu̱ Yahuda-ne̱?>>