25 U̱ka u̱s-kwam u̱s-tu̱t su̱ u̱r-wu̱n, Ye̱so̱ yu̱ne̱ wa o̱ jang m-bu̱ u̱-me̱ m-sa m-ha u̱du̱ a-doru̱ wa. 26 Da-u̱ a-dor hyanu̱ wu̱n m-ha u̱-me̱ m-sa, e̱ hog u-gye̱r, e̱ zu̱, <<No̱m-tu̱ m-bu̱ to̱!>> E̱ no̱m u̱t-jar u̱ remu̱ u-gye̱r.
27 Za rem Ye̱so̱ zu̱ u̱n, <<No̱mo̱n be̱b-du̱ jab, tu̱msu̱ a no̱ ho̱g u-gye̱r da, me̱ wa Ye̱so̱.>>
28 Biturus zu̱, <<Wa-m-nap, abite̱ bo̱ wa, zu̱ me̱ u̱m jangu̱n u̱ haan u̱du̱ ró u̱ do̱m m-bu̱.>>
29 Ye̱so̱ zu̱, <<Jangu̱n.>>
Biturus ru̱ du̱gu̱ me̱ u-hat, wa hu̱ m-ha u̱ do̱m m-bu̱ m-ha u̱du̱ Ye̱so̱. 30 Da-u̱ wa hyane̱ m-mya, wa hog u-gye̱r wa he̱e̱se̱ u̱t-iis, se̱ wa no̱m u̱t-jar, <<Wa-m-nap! Gu me̱!>>
31 Za rem Ye̱so̱ nu̱b u-kom wa ship wu̱n. Wa zu̱, <<Bo̱ wa yadu̱ jab cashi, ¿remu̱ yan-o̱ bo̱ no̱m-te̱ u-sakna?>>