Biturus zu̱ Ye̱so̱, <<Bo̱ wa o̱ Kiristi>>
13 Da-u̱ Ye̱so̱ haane̱ u̱ dak-u̱ Kasariya Firibi, wa shit a-doru̱ wa u̱zu̱, <<¿Wana ne̱t-tu̱ zu̱ Wa'-u̱ Ne̱t o̱ye̱?>>16:13 <<Wa’u̱ ne̱t>> Dim-de̱ du̱ Ye̱so̱ fogte̱ hi-u̱r wa.
16 Simo̱n Biturus shu̱s wa zu̱, <<Bo̱ wa Kiristi16:16 Ko̱ Armashihu. Mesaya (U̱ rem-du̱ Yahuda-ne̱) tu̱msu̱ Christ (U̱t-Girik) to̱ u̱t-be̱e̱t to̱ zu̱ <<Wu̱ o̱tte̱ kom u-Ru̱.>> Wa'-u̱ u-Ru̱ u̱r-fat.>>
Ye̱so̱ waru̱g go̱-du̱ mar-mu̱ wa do̱te̱
21 Du̱gu̱ da-u o̱ Ye̱so̱ he̱e̱se̱ waru̱ a-doru̱ wa u̱zu̱, zatte̱ ka u̱t-no̱m da, se̱ wa de̱ge̱ u̱ Urusharima wa swa u̱r-ko̱b u̱t-go̱ u̱t-go̱ u̱ kom-tu̱ u̱t-ne̱nge̱n, u̱ i-Yate̱ a-To̱o̱g-ne̱, u̱ a-ko̱se̱-tu̱ u-bo̱r ne̱, tu̱msu̱ e̱ ho̱ wa, u̱ ho̱-du̱ u-tu̱tu̱rse̱ wa yu̱ne̱ du̱gu̱ marimari-ne̱.
22 Biturus nu̱k wu̱n u̱ kit wa no̱mu̱ wu̱n u̱t-him u̱zu̱, <<U̱ Ru̱-u̱ hast, Wa-m-nap, se̱se̱ zaru̱ kwu̱m-du̱ bo̱ da!>>
23 Ye̱so̱ bir wa zu̱ Biturus, <<Hate̱ u̱ be-du̱ u̱m o̱tte̱, bo̱ faru̱k-u̱ no̱m u̱s-te! Bo̱ yu̱ u̱t-sa wadu̱ me̱ u̱r-he̱’e̱, remu̱ zu̱ dorog-u̱s ró su̱ ne̱t se̱, za u̱ka u-Ru̱ da.>>
24 Ye̱so̱ zu̱ a-doru̱ wa, <<Wu̱ u̱t-sa do̱rru̱ me̱ se̱ wa gu̱gu̱mte̱ hi-u̱r wa, wa kab kan-u wa, wa do̱r me̱. 28 U̱m o̱ waru̱ no̱ u̱t-nip, e̱ke̱n o̱ro u̱ ees u̱ ane̱ i za m-mar da, se̱ e̱ hyanu̱g haan-du̱ Wa'-u̱ Ne̱t u̱-me̱ faru̱k-u̱r wa.>>