Matiyu 2

9,10 Da-u̱ u̱n ho̱ge̱ no̱mu̱ faru̱k ware̱ u̱n hu̱ m-ha u̱su̱ u̱n. E̱ o̱ te̱k m-ha, e̱ hyen re̱ge̱r-yu̱ u̱n hyane̱ du̱gu̱ u-do̱m. Da-u̱ e̱ hyane̱ ya, e̱ hu̱ mu̱rimmo̱, e̱ hu̱ u̱r-so̱ sok, ya hu̱ m-da u̱ shu̱ u̱n, se̱ be-du̱ ya eeste̱ u̱ be-du̱ yadu̱ o̱tte̱. 11 Da-u̱ e̱ cwaye̱ u̱-me̱ u-bu, e̱ hyen u̱r-ya e̱ ino-u wa Me̱ri. Se̱ e̱ kug e̱ no̱mu̱ wa u̱t-huuk. Se̱ e̱ upus ba-u̱t e̱, e̱ no̱mu̱ wu̱n u-nya' u̱t-no̱m u-tát u̱ ta’ar-tu̱ m-baku̱t ne̱ u̱ no̱m mu̱ wu̱s u-haku̱n ne̱, mu̱ na foge̱ <<farakanse̱,>> m-dap ne̱ mu̱ wu̱s u-haku̱n mu̱ na foge̱ <<mur.>> 12 Remu̱ zu̱ Ru̱-u̱ baag u̱ no̱ngu̱ u̱n u̱t-him u̱ bo' u̱zu̱ a u̱n mu u̱du̱ Here̱ da, se̱ u̱n dor yaku̱n fu̱n-ya m-mu̱ bo̱-u u̱n.