Mateus 3

Bu̱t-u̱t Yohanna Wa-u̱t-yu̱bu̱sse̱ m-bu̱

1 U̱ te̱k-u̱ ho̱-u̱t to̱, Yohanna Wa-u̱t-yu̱bu̱sse̱ m-bu̱ rwu̱u̱n wa o̱ u̱t-bu̱t u̱-me̱ do̱g-du̱ Yahudiya. 2 Wa o̱ u̱t-zu̱, <<Yagu̱n u̱t-ba’as, no̱ byu̱rnu̱n u̱du̱ u-Ru̱ remu̱ faru̱k-du̱ u-Ru̱ o̱ u̱t-mo̱r.>> 3 Unwa wa wa-warru̱ rem-su̱ u-Ru̱ Ishaya nomte̱ u̱s-rem u̱zu̱,

<<U-cwar yu̱ o̱ u̱s-fag

u̱-me̱ u̱r-do̱g u̱zu̱,

<Mangu̱n fu̱n-u Yawe,

Yu̱nsu̱n u-fu̱n m-kim.> >>*3:3 Gwat tu̱msu̱: Isha 40:3. (Ran-u̱ u̱t-Girik.)

4 To̱ggo̱-yu̱ Yohanna wa’e̱ yu̱ na no̱me̱ u̱ ka-u̱ u-rakum to̱, tu̱msu̱ wa o̱ m-gag u̱ hap-yu̱ u-ka ne̱ u-byu̱n. I o̱ no̱m u̱t-re̱ rò u̱ bu̱-mu̱ so̱ ne̱. 5 Ne̱t-tu̱ do̱’e̱ u̱du̱ wu̱n du̱gu̱ bo̱-u̱ Urusharima u̱ dak-tu̱ gas-u̱ Yahudiya-ne̱ u̱t-be̱e̱t, u̱ ne̱t-tu̱ o̱ gas-u̱ Gi-yu̱ Yodan ne̱. 6 U̱n hu̱ warru̱ ba’as-u̱t u̱n, se̱ wa no̱mu̱ u̱n u̱t-yu̱bu̱sse̱ m-bu̱, u̱ Gi-yu̱ Yodan.