32 Ru̱-u̱ mu̱tte̱ u̱t-ne̱t u̱t-be̱e̱t Yahuda-ne̱ u̱ i za-yahuda-ne̱ da a-ko̱b-du̱ do̱rru̱ u̱s-rem. Ru̱-u̱ no̱mo̱g iya remu̱ wa ko̱ste̱ u̱t-ne̱t u̱t-be̱e̱t o̱n-u̱r wa.
U̱t-vam u̱du̱ u-Ru̱
33 Nip-tu̱ ra-du̱ ve̱r-su̱ u-Ru̱ tu̱msu̱
nap-m rò zatte̱ u̱r-ma da,
kwu̱p-du̱ u̱s-rem u̱ rò ze̱k u̱r-shu̱t.
No̱m-tu̱ wa o̱ u̱t-no̱m
ze̱k nap-mu̱ ne̱t.11:33 Gwat tu̱msu̱: Isha 55:8.
34 U̱ka Rem-su̱ u-Ru̱ zu̱tte̱:
<<¿Wana nape̱ jab-u̱ Yawe?
¿Wana o̱ hu̱u̱b-u̱ rò,
wana he̱e̱se̱ yadu̱ wu̱n u̱s-rem?>>
35 <<Waku̱n zaar wu̱ de̱ yadu̱ u-Ru̱ o̱ko̱n no̱m-o̱
u̱ wa yage̱ za kum du̱gu̱-du̱ u-Ru̱ da.
Remu̱ iya waku̱n zaar wu̱ de̱ u̱t-zu̱
u̱ Ru̱-u̱ to̱p wa da.>>11:35 Gwat tu̱msu̱: Ayub 41:11.
36 Remu̱ du̱gu̱-du̱ wu̱n,
tu̱msu̱ u̱du̱ wu̱n,
tu̱msu̱ u̱du̱ du̱ wu̱n de̱
na no̱m-te̱ ko-uyan.
Yage̱ fu̱bu̱sse̱ tu̱ shu̱’u̱t u̱du̱ wu̱n
m-mo̱mmo̱! U̱ shu̱’u̱t iya!11:36 Gwat tu̱msu̱: 1Kor 8:6.