Roma-ne̱ 15

Rem-su̱ m-Re̱me̱r su̱ Yahuda-ne̱ se̱ u̱ a-za Yahuda-ne̱

7 U̱ka Kiristi ku̱bte̱ no̱, kabu̱n o̱r-u̱t no̱ iya remu̱ Ru̱-u̱ kum-u̱t u̱t-fu̱’u̱bse̱. 8 U̱m u̱t-sa no̱ baku̱s u̱zu̱ Kiristi no̱ngu̱ Yahuda-ne̱ u̱r-se̱ge̱ remu̱ wa ko̱ste̱ u̱zu̱ Ru̱-o̱ keru̱ no̱m-du̱ no̱m-u̱ wa zu̱ wa u̱t-no̱m. Ru̱-u̱ no̱ngu̱ i mate̱ u̱so-tu̱ u̱so-u̱t in este̱du̱ u̱s-rem u̱zu̱ wa to̱mnu̱ Kiristi. Da-u̱ Ye̱so̱ haane̱, Ru̱-u̱ nom no̱m-u̱ wa zu̱ wa u̱t-no̱m. 9 Wa haagu̱n remu̱ a-za Yahuda-ne̱, remu̱ e̱ no̱m-tu̱ u-Ru̱ u̱t-fu̱’u̱bse̱ remu̱ o̱n-u̱r wa. U̱ka Rem-su̱ u-Ru̱ zu̱tte̱:

<<Remu̱ iya,

U̱m de̱ vam-du̱ no̱ u̱-me̱

a-za Yahuda-ne̱,

U̱m de̱ no̱m-du̱ se̱p-tu̱

vam-tu̱ dim-u̱r ró.>>*15:9 Gwat tu̱msu̱: 2Sam 22:50; Se̱pV 18:49.

10 Tu̱msu̱ Rem-su̱ u-Ru̱ sur m-zu̱:

<<No̱mo̱n u̱r-so̱ no̱ i za-Yahuda-ne̱ da, u̱r-kot u̱ ne̱t-tu̱ u-Ru̱ ne̱.>>*15:10 Gwat tu̱msu̱: Muut 32:43.

11 Tu̱msu̱ na sur m-zu̱:

<<No̱ be̱e̱t a-za Yahuda-ne̱

vamu̱n Yawe,

ne̱t-ne̱ be̱e̱t e̱ vam wa.>>*15:11 Gwat tu̱msu̱: Se̱pV 117:1.

12 Wa-warru̱ Rem-su̱ u-Ru̱ Ishaya zu̱u̱g:

<<Waku̱n do̱’e̱ rwu̱u̱n du̱gu̱ ko̱-u̱r Jesse,

wa do̱’e̱ haan wa no̱m u̱r-faru̱k u̱-me̱

i-za-Yahuda-ne̱ da.

Tu̱msu̱ e̱ do̱’e̱ wadu̱ jab u̱du̱ wa.>>*15:12 Gwat tu̱msu̱: Isha 11:10.