Ru̱-u̱ de̱ yadu̱ in ru̱s-du̱ jab a in to̱ste̱ jab-u̱s in u̱du̱ wa
1 Ba shu̱’u̱te̱ u̱zu̱, Ru̱-u̱ jaaste̱ ba’as-u̱t in remu̱ yadu̱ jab u̱du̱ Ye̱so̱, in o̱tte̱ ru̱s-du̱ jab u-me̱ Wa-ko-uyan in Ye̱so̱ Kiristi.
6 Da-u̱ in za keru̱ u̱kru̱ hi-u̱r in da, regne̱ ho̱n-ho̱n da-u̱ Kiristi mare̱ remu̱ ba’as-u̱t in. 8 Se̱di Ru̱-u̱ ko̱ske̱ in cwan-u̱t wa, u̱ wa to̱mto̱n in Kiristi wa mu̱r u̱ remu̱ in, da-u̱ in o̱o̱ge̱ a-u̱t-ba’as-ne̱.
9 Ru̱-u̱ jaaste̱ ba’as-u̱t in remu̱ hyu̱-m Kiristi, za u-sakna, wa de̱ hen u̱ u̱kru̱ in du̱gu̱ ryab-su̱ u-Ru̱. 10 Da-u̱ in o̱o̱ge̱ m-ra u-Ru̱ ne̱, Ru̱-u̱ ho̱ngu̱ssu̱ in u̱ wa ne̱ remu̱ mar-mu̱ Wa'-u̱ wa. In nak u̱zu̱ Ye̱so̱ u̱ keru̱ u̱kru̱ in, tu̱msu̱ remu̱ zu̱ wa o̱ u̱r-fat.