Ru̱-u̱ de̱ yadu̱ ya’ag-u̱ wa u̱t-fu̱’u̱bse̱
18 U̱m nak u̱zu̱, in za keru̱ ho̱ngu̱sse̱ fu̱’u̱bse̱-tu̱ Ru̱-u̱ de̱ yadu̱ in u̱ ko̱b-du̱ in o̱ u̱t-swa ne̱ u̱ da-o̱ da.
26 Iya o̱ hen Yar-u u-Ru̱ o̱tte̱ no̱mu̱ in u̱r-se̱ge̱ u̱ ko̱b-du̱ u̱r-be̱b u̱ in. In nak u̱ka no̱m-du̱ u̱s-to̱o̱g da, se̱di Yar-u̱ u-Ru̱ o̱ u̱s-to̱o̱g u̱ u̱t-shig ne̱ u̱du̱ u-Ru̱ remu̱ in u̱t-gom ne̱ tu̱ za u̱t-ware̱ da.
In ze̱kku̱n i re̱ u̱r-ko̱rro̱
28 In nak u̱zu̱ u̱ te̱k-u̱ u̱t-no̱m u̱t-be̱e̱t Ru̱-u̱ o̱ no̱m-du̱ no̱m-u̱t so̱-to̱ u̱du̱ i o̱ cwan-u̱t wa ne̱. Wa nom iya u̱du̱ ne̱t-tu̱ wa dage̱ u̱ remu̱ e̱ nom-u̱t no̱m-tu̱ wa zo̱nge̱ e̱ no̱m. 29 I Ru̱-u̱ dage̱ du̱gu̱ u̱r-taku̱n wa dak wa tu̱n e̱ shu̱’u̱t sha-mu̱ wa'-u̱ wa, remu̱ wa-u̱ wa shu̱’u̱te̱ mat-du̱ u̱r-taku̱n u̱-me̱ ban-du̱ o̱r-u̱t wa ne̱.
35 Waku̱n zaar wu̱ de̱ u̱t-wa u̱ Kiristi yage̱ cwan-u̱t in da! Ko̱ u-taag, Ko̱ swa-u̱ u̱r-ko̱b, ko̱ u̱s-me̱r, ko̱ u̱r-so, ko̱ u-ra, u̱r-ho̱nse̱ ne̱, ko̱ m-mar, o̱ko̱n zaar u̱ de̱ hoosu̱ u-Ru̱ cwan-u̱t in da.
37 Ko̱ ba shu̱’u̱te̱ u̱zu̱, no̱m-u̱t yo̱-to̱ tun-to̱ u̱t-be̱e̱t to̱ kwu̱mu̱ in, in aru̱kte̱ na fag in a re̱-du̱ u̱r-ko̱rro̱, remu̱ Kiristi o̱ cwan-u̱t in. 38,39 U̱m nu̱pu̱ste̱ u̱zu̱, waku̱n zaar wu̱ do̱’e̱ u̱t-wa u̱ Ru̱-u̱ yage̱ cwan-u̱t in da:
ko̱ m-mar,
ko̱ u̱r-fat,
ko̱ a-to̱mu̱ u-Ru̱,
ko̱ faru̱k-u̱ no̱m u̱s-te,
ko̱ no̱m-u̱ na o̱ te̱k u̱t-no̱m,
ko̱ u̱ na de̱ u̱t-no̱m u̱ da-u̱ o̱o̱n ne̱,
ko̱ yan go̱-du̱ u̱r-faru̱k,
ko̱ m-ja,
ko̱ u̱r-ra,
ko̱ o̱ko̱n no̱m-o̱ u̱t-kwu̱s u̱t-kwu̱s,
to̱ ko̱rge̱ to̱ mo̱t in u̱ cwan-tu̱ Ru̱-u̱ ne̱ da. Ru̱-u̱ ko̱ske̱ u̱zu̱ wa o̱ cwan-u̱t in, u̱ wa to̱mto̱n Ye̱so̱ Kiristi Wa-ko-uyan in wa mu̱r u̱ remu̱ in.