1 iPyita 5

Mbi engyukwo bɛyi mmafa

1 Ema ama ogbe inggisɛ teyi mi okwakye mgbi emi iKrestu, n le lɔ afɛ ikye okwu ema ɛwɛ wo. Ani kpaa li inggisɛ ogbe inggisɛ teyi, di li obwɛndɛ mi adzɛ ogyeegye mgbi iKrestu, dika wodzɛ mi okwɔkwɔ mgban onɔ ngwi a kawa kye tso eyi mani. 2 Ngyo ifyungwɔ mgbi Imgbasho nto abɔ mgbi ema nani, gbinɛbyi ma itukwu asisa, ka kyɔ dafi a le si abu siisi ba. Ka kyɔ ikye ungwɔ ngwi abu ka tu mi ele ma ba, nghaduu kyɔ ikyegbɛɛ di abu dzɛ yi imina okyɔ Imgbasho idɔ. 3 Ka kye okye egyɛgyɛ dɔ ama ngwu a gbe wo abu abɔ ntonɛ ba, kpaa tso ma ambɛ osuse mgbi abu.