15 Ani yama ye ungwɔ ani le kyɔ ba. Lubana ungwɔ ngwi ani mina okyɔ ma n li kyɔn ba, kpaa ungwɔ nta ani anyi ma n li kyɔn. 18 N ye ta gbɛɛ mi atta mgbi ani ibwubwe nani, unkonyi osuse wodzɛ mbi ani ba. Bana n sulu imina okyungwɔ osuse kpaa, n li yagba kyɔn ba. 19 Lubana ungwɔ osuse ngwi ani mina okyɔ ma n li kyɔ ba, li obube ngwi ani mina okyɔ ba ma, n li kiyayi okyɔ aali.
24 Li ali itɔ ishisha inggisɛ ngwi ani dzɛ dɛn! Li emɛ ka nagbɛ ani mi abɔ atta mgbi ani nkye ani le lu ikwongye nɛ? 25 N ta Imgbasho angba ikpewo iYesu iKrestu Otsɛ mgbi eyi!
Nghawanɛ, ani abuen mi itukwu mgbɛn yɔ, n li ofyɛɛ mi ola mgbi Imgbasho, kpaa mi odzɛɛdzɛ mgbi mmbwɛ yi eyi yɔ, mfye oka le tsamu ani ni ani kyɔ alobube.