1 కొరింథీ 12

ఎక్కస్‍ ఆంగ్తాన్ అలాదు అలాదు భాగ్‍

12 కిమ్‍ ఆంగ్తాన్‍ ఏక్‍హుయిన్‍ ఛాకి కెత్రూకి రకంను అవయవాల్‍హుయిన్‍ కలిగించకి, కిమ్‍ ఆంగ్తాన్‍ను అవయవాల్‍ హాఃరుబి కెత్రూకిహుయిన్‍ ర్హయుతోబి ఏక్కస్‍ ఆంగ్తాన్‍ ఛాకి, ఇమ్మస్‍ క్రీస్తు ఛా. 13 కిమ్కతొ యూదుల్‍హొ గ్రీసుదేహ్ఃవాలొహో దాసుడ్‍హో, స్వతంత్రులుహుయిన్‍, అప్నె హాఃరుజణు ఏక్ ఆంగ్తాన్మా ఏక్ ఆత్మాతీస్‍ బాప్తిస్మమ్‍ లీదా అప్నె హాఃరుజణు ఏక్ ఆత్మను అప్న దిల్మా దెవ్వారూస్‍.

14 ఆంగ్తాన్‍ ఎక్కస్‍ అవయవాల్‍మతూ ర్హావమా కెత్రూకిహుయూతె అవయవాల్‍నితరా ఛా 15 మే హాత్‍ కాహే ఇనటెకే ఆంగ్తాన్‍మాను కాహేకరి హాతేలి బోల్యోతో ఆంగ్తాన్మాను హుసేకోయినా. 16 బుజు మే ఢోళొ కాహె ఇనటేకె ఆంగ్తాన్‍మాను కాహేకరి కాణ్‍ బోల్యతొ ఆంగ్తాన్మాను హుసేకోయిన్నా. 17 ఆంగ్తాన్‍ మోత్తంబి డోళొహుయితొ బుజు హఃమ్జను కిజ్గా? హాఃరు హాఃమ్జను ర్హాయితొ వాహఃనా దేఖను ఎజ్గా? 18 వుజు దేవ్‍ అవయవాల్మా హర్యేక్నా ఇను చిత్తంతీస్‍ ఆంగ్తాన్‍మా మ్హేంద్యొ. 19 యో హాఃరు అవయవాల్‍ హుయితో ఆంగ్తాన్‍ కీజ్గా? 20 అవయవముల్‍ కేత్రుకి హుయితోబి ఆంగ్తాన్‍ ‍ఎక్కస్‍.

21 ఇనటెకే "ఢోలో హాత్తితి, థూ మారు అక్కరకోయిని" కరి బోలకోయిని, "ముడ్‍క్యు, హాతేలితి తుమే మారు అక్కరకొయిని" కరి బోల్సుకొయిని. 22 ఏత్రేస్‍ కహే ఆంగ్తాన్‍ను అవయవమ్‍మా కెహూ బుజు కంజొర్‍గా దేఖావస్‍కీ యో అజు అవషారం. 23 ఆంగ్తాన్‍మా కెహూ అవయవాల్‍నా ఘానతా కోయిని కరి లాహీజాస్‍కి యో అవయవాల్‍నా బుజు ఘాను ఘనతపరుచుకరస్‍. ఖాన్‍గార్‍ కోయినితే అప్ను అవయవాల్‍నా బుజు ఘనూ హఃన్‍గార్‍ కలాగుకరస్‍, 24 హఃన్‍గార్‍ ఛాతే అప్ను అవయావాల్నా, బుజు ఘను హఃన్‍గార్‍ అవసరం కోయిని, 25 హుయితోబి ఆంగ్తాన్‍మా వివాదం కోయినితమ్‍. అవయవాల్‍ ఏక్నా ఉపర్‍ఏక్‍ ష్రద్ధ ర్హావతిమ్‍, దేవ్‍ కామ్‍చాతే ఇనా ఘనూ ఘనత కలిగున్చీ, ఆంగ్తాన్నా అమార్చిరాకోస్‍. 26 పన్కి ఏక్ అవయవామ్‍ ష్రమ పడ్యుతెదె అవయవాల్‍హాఃరుబీ ఇనకేడె ష్రమ పడ్సె, ఏక్ అవయవామ్‍ ఘనత పొందుకరాస్‍కతొ అవాయవల్‍హాఃరుబీ ఇనాకేడెస్‍ సంతోషించస్‍.

27 ఇమ్మస్‍ తుమే క్రీస్తును ఆంగ్తాన్‍ హుయిన్‍ అల్దు అల్దుతి అవయవాల్‍ హుయిరాస్‍.