Colossenses 1

12 తేజొవాసులు హుయిన్‍ పరిసుద్ధులను స్వాస్థ్యంమా బాగ్‍ హువానటేకె అప్నా పాత్రుల్గా కర్యాయోతె భాన తుమే కృతజ్ఞాతాస్తుతుల్‍ చెల్లించును కరి దేవ్నా ప్రార్థనకరూస్కురు‍. 13 యో అప్నా అంధారును సంబంధంహుయుతె అధికారంమతూ చొఢాయిన్‍, యో ఫ్యార్‍తి ఇనా ఛియ్యోనా రాజ్యమ్‍ జివ్వంతరా కర్యొ. 14 యో ఛియ్యోన కనాస్‍, అప్నా విమోచనా, కాతో పాప్‍క్చమాపణ హుంకొరాస్‍.

అద్మిను మానవాత్వామ్‍ బుజు ఇన కామ్‍

15 యో దేఖ్కావ కొయింతే దేవ్ను స్వరూపంహుయీన్‍ సర్వాసృష్టినా ఆది సంభూతుడుహుయిన్‍ ఛా. 16 కింకతొ ఆకాష్‍నుఛాతె అక్కుబి జమీన్‍ఫర్‍ ఛాతె అక్కుబీ, దెఖ్కావతె హుయుతోబి, దెఖ్కావకొయింతె హుయుతోబి, యో సింహాసనంహుయుతోబి సర్కార్‍ హుయుతొబి ప్రధానులుహుయుతోబి అధికార్‍హుయుతోబి, హాఃరుబి ఇనకనా సృజింపబడు, హాఃరుబి ఇనెతీస్‍ ఇనటేకె సృజింపబడు. 17 యో హాఃరనా అగాఢి క్రీస్తూ ఛా, యోస్‍ సమస్తమంనా ఆధారభూతుడు.