యోహాన్ 21

యో క్రీస్తు అప్ను సేవనా మాలిక్‍

1 ఇనపాసల్తీ యేసునె తిబెరియ ధర్యావ్‍ను కనారికన సిష్యుల్నా బుజేక్‍తార యోస్‍ ప్రత్యక్చాపరచిలిదో. 2 కింమ్‍కతో సీమోన్‍కరి బోలవాతే పేతుర్‍బి, దిదుమకరి బోలావతె తోమాబి, గలిలయమా కానాకరి గామ్‍వాలొహుయుతె నతనయేల్‍బి, జెబెదయని ఛియ్యాబి, బుజు ఇను సిష్యుల్‍మా బుజు బే జనబి మలిన్‍ రయ్యుతూ. 3 సీమోన్‍ పేతుర్‍ మే మాస్లాధరనటెకె జంకరస్‍ కరి ఇవ్నేతి బోలమా ఇవ్నే హమేబి తారకేడె అయేస్కరి బోల్య. ఇవ్నే జైయిన్‍ ఢోంగాచఢ్యా పన్కి, యోరాతె సాత్బి ధర్యాకొయిని. 4 వానేఖాత్రే హుంకరమా యేసు కనారిన ఉబ్రిన్‍ థో, పన్కి యో యేసుకరి సిష్యుల్‍ ఖానద్‍ కర్యకొయిని. 5 యేసు "దోస్త్, ఖావనటేకె తుమారకనా సాత్బి" ఛా? కరి ఇవ్నా పుఛ్చావమా కొయినికరి ఇవ్నే ఇనేతి బోల్యా.

6 తెదె యో ఢోంగాన ఖవ్వాత్‍ భణే జర్యాన నాక్కో తుమ్నామల్చేకరి బోల్యొ. అనటేకే ఇవ్నే ఇంకరమా, మాస్లా జాఖాత్తి పఢమా జర్యానకేఛనబి కో హుయూని.

7 తెదె యేసు ఫ్యార్‍కర్యతె సిష్యుడ్‍ ఇనే ప్రభువుకరి పేతుర్‍తీ బోల్యొ. యో ప్రభువుకరి సీమోన్‍ పేతుర్‍ హాఃజీన్‍ ఉగ్గాడహుయిన్‍ రవ్వామా ఉప్పర్‍నులుంగ్డాన నాఖిలీన్‍ ధర్యావ్మా కూదిగా 8 కనారిన బరాబ్బర్‍ బే ఖో మూరల్ను దూర్‍ రవ్వామా. మిగ్లితె సిష్యుల్ మాస్లా‍తూతె జర్యాన కేస్తూ యోహాను ఢోంగమా ఆయూ. 9 ఇవ్నే ఉత్రీన్‍ కనారిన ఆవుంస్‍కరా ఎజ్గా ఆగ్బి ఇనప్పర్‍ బేంద్యురాక్యుతె మాస్లాబి, రోటా దెక్కాయు. 10 యేసు ఇవ్నేతి తుమేహంకె దర్యాతె మాస్లామా థోడులీన్‍ ఆవోకరి ఇవ్నేతీబోలమా

11 సీమోన్‍ పేతుర్‍ ఢోంగచఢిన్‍ జర్యానా కనారినా కేఛ్యూ యో ఏక్‍ఖో తీన్‍ప్పర్‍ అఢాయక్ మోట్టా మాస్లావ్తీ బరాయిన్ తూ కెత్రూకి మాస్లా జర్యా బరాయ్‍యిన్‍ పడితోబి జర్యా జరబీ పాట్యూకొయిని.