లూకా 1

జెకర్యా దేవ్నా స్తుతి కర్యో

67 యోహాన్నో భా జేకర్యా పవిత్రాత్మతి భారైన్‍ దేవ్‍ని వాతేనా ఆం బోలిన్‍ బోల్యొ.

68 యిను జానమ్‍న స్వేఛ్చ దీన్‍, భచవన

ఆయోతే ప్రభునా స్తుతించో!

ఇస్రాయేల్‍ అద్మీయేనూ దేవ్‍నా స్తుతించో!

69 గణు మోటు షక్తిఛాతె యిన,

సేవ కరవాళోహుయోతే దావీదునూ,

వంషంమతూ అప్నాటేకె బోలిమోకల్యొ.

70 తో జమానమా పవిత్రల్‍ను ప్రవక్తల్‍ నా హతేఖ్హూ ఆవాతె బోల్యొ.

71 దేవ్‍ వైరిమతూ, అప్నదూషించ వళానుహత్‍మతు అప్నా బచ్ఛావ్‍షే.

72 అప్న భానా, నానోవ్నా, ఒఢోవ్నా కరుణించుస్కరి బోల్యొ.

యో పవిత్రంనూ నిబంధననా బులీస్‍కోయిని కరి బోల్యొ.

73 వైరియేమతూ బఛ్చావ్సెకరి బోలిన్‍,

అప్నా భా అబ్రాహామ్ను వాత్‍ ధిదో.

74 అప్నే కెయూబి ఢర్‍ కోయినితిమ్‍ దేవ్నా సేవ కర్‍నూ.

75 జీవితం అక్కు ఇనా హాఃమె పవిత్రంతీ,

న్యాయంగా, యినటేకెస్‍ జీవ్నుకరి ఇనూ ఉద్దేష్యం.

76 ఓ ఛోగర్వా! తు సర్వోన్నత్‍ని ఏక్‍ ప్రవక్త కరి బోలావ్‍సే!

ప్రభుతీ అగడీస్‍ జైన్‍ యినీ వాట్‍నా కడ్‍సే.

77 ప్రభు ఇవ్ను పాపంనా ధోయ్‍తోస్‍ ఇవ్నే బఛ్చాను మల్సేకరి;

అఖ్కల్‍నా యో అద్మీయేనా బోల్‍దీసే.

78 అప్నో దేవ్‍ యిను కనీకరంతి పరలోకంమతూ ఏక్‍

కృపమయుడ్‍నా నీతి సుర్యుడ్‍నా బోలిమోక్లీన్‍.

79 మరణ్‍మనూ అంధారమా ఛాతె అప్న ఉప్పర్‍ ఏక్‍

ఉజళునుతర భల్‍తూర్వాహన టేకె కరీన్‍

అప్నా అచ్చు షాంతినూ వాట్‍ఫర్‍ చలావ్సె!