Lucas 18

విధవరాల్‍ బుజు న్యావ్నొ గల్డొ

1 ఇనా సీష్యుల్‍ విసక్నూనాతిమ్‍ కెదేబి ప్రార్దనస్‍ కర్నూ కరి, నీరాఖ్‍ః నా హూను కరి బోలాన టేకె యూవ్నేతి ఏక్‍ ఉపమానం బోల్యొ.

2 దేవ్‍థి నాఢరీన్‍ అద్మీయే కతోబి ఇమాన్‍ కోయినితిమ్‍ ఏక్‍ నెయ్యో ఏక్‍ ఖాయార్మా థో. 3 యోస్‍ హఃయర్మా విధవరాల్‍ థీ. యో న్యాయాధిపతి కనా కేత్రేకీ వొహొఃత్‍ ఆయిన్‍, మనాబి మారో వైరీ న్యాయం కర్‍ కరి బోలీన్‍ బోల్తీరై 4 గానీ యో థోడ ధన్‍ నా ఒప్పిన్‍, ఇనబాద్‍మా యో మే దేవ్‍నాబి నాఢరీన్‍, అద్మీయేనాబి లేక్కకరుకోయినితిమ్‍ రైతోబి, 5 ఆ విధవరాల్‍ ఘడీ మరా కనా ఆయిన్‍, మన ఘభ్రాయినగ్‍దేంగ్రస్‍, ఇనటేకె యో బుజు ఘడీ ఆయిన్‍ గోజార్నూతిమ్‍ ఇనటేకె కీమ్‍బి న్యాయం కర్నూ కరి సోఛాస్‍.

6 బుజు యేసుప్రభూ ఆమ్‍ బోల్యో, "యో అన్యాయ్‍ న్యాయాధిపతినూ వాతే ఖంజో; 7 దేవ్‍ ఏర్పరచిలిదోతే యూవ్నే ఇనా రాత్‍నూ ధన్‍నూ ప్రార్దన కర్యుతో యూవ్నా న్యాయం కర్షేకోయిన్నా? యో యూవ్నా యగ్గీస్‍ న్యాయం కర్షే; 8 యూవ్నా టేకెస్‍ కాహేనా దేవ్‍ దీర్ఘసాంతం దేఖాడుకరస్‍ కరి యూవ్నేతి బోల్యొ. రైతోబి అద్మీనో ఛీయ్యో ఆ జమీన్‍ ఫర్‍ ఆయోతొ అద్మీయేనూ విస్వాసం దేకావ్‍సేనా?" కరి బోల్యొ.