లూకా 9

యేసు పాచ్‍హాజర్‍ అద్మియోనా ధాన్‍ ఖడావను

10 అపోస్తుల్‍ ఫరీన్‍ ఆయిన్‍, ఇవ్నే కర్యాతే హాఃరు యేసుతి బోల్యా, తెదే యో బేత్సాయిదా కరి బోలాతే ఏక్‍ గామ్మా, కోన్‍ కోయిన్తే జోగోమా బులాలీన్‍ గయో.

11 ఆహాఃరు జనాభో మాలంకర్లీన్‍, ఇనకెడేస్‍ జావమా, యో ఇవ్నా చేర్చాలీన్, దేవ్ని రాజ్యంనీ గూర్చి వాతె బోల్తొహూయిన్‍ రోగ్‍ హువ్వాలన, రోగ్‍మాతీ ఇవ్నా అషల్ కర్యో.

12 హఃమీ హాఃజే హూవమా భార సిష్యుల్‍ ఇనకనా ఆయిన్‍, అప్నే జాఢిమఛియ్యె, ఇనటేకె గామ్మా జైన్‍, ఖ్హావనా ఖ్హాణుబి, ఆరామ్‍ లేవనా జొగో దేఖిలిసే జనం బోలీమోకల్‍ధా కరి బోల్యు. 13 యేసు "తూమేస్‍ ఇవ్నా ఖ్హాణు ఖ్హఢావోకరి బోలామా, ఇవ్నే హమారకనా ఫాఛ్‍ రోటా, భే మాస్లా తప్ప బుజు కాయిబి కోయిని ఆవ్నా ఖ్హాణు ఖఢావనా హమే జైన్‍ ఖ్హాణూ మోల్‍ లీన్‍ ఆయేనా" కరి బోలు.

14 ఆయ్రూతె అద్మీయేమా ఇన్చు మిన్చు పాచ్‍హాజార్‍ మరద్మాన ఛా. యూవ్నా గుంపునితరా అఢైహ్ః అద్మీయేనా వరుసగా బేక్హాడొ, 15 కరి యో ఇవ్నా బోలామా, యూవ్నే ఇమ్‍ కర్యు.

16 తేదె యో ఫాచ్ రోటో, బే మాస్లానా లీన్‍ ఉఫర్‍ పాఢీన్‍, ఆకాష్‍ మ్హణీ దేఖిన్‍ ఇన ఆసిర్వదించీన్‍, తోడీన్‍ జనం ఖారౌన నాఖనాటేకె ఇన సిష్యుల్‍నా దిదో. 17 యూవ్నే క్హారు పేట్‍ భరీన్‍ కైన్‍ మిగ్లిహుయుతే రోటానూటూక్డా భార టోక్రా పాఢ్యు.